ရခိုင်ပြည်နယ်အတွင်း ဖြစ်ပွားခဲ့ရသော လူမျိုးရေးပဋိပက္ခများ၏ ဖြစ်ပွားရသော အကြောင်းရင်းများနှင့် အနာဂါတ်တွင် ထိုပဋိပက္ခမျိုး ထပ်မံမဖြစ်ပွားစေရေး ကြိုတင်ကာကွယ်နိုင်ရန်နှင့် လုပ်ဆောင်ရမည့်အချက်များကို သိရှိနိုင်ရန် နိုင်ငံတော် သမ္မတဦးသိန်းစိန်၏ တာဝန်ပေးချက်အရ ၂၀၁၂၊ သြဂုတ်တွင် ဖွဲ့စည်း ခဲ့သည့် စုံစမ်းစစ်ဆေးရေးကော်မရှင်က ဤအစီရင်ခံစာကို ရေးသားခဲ့ခြင်းဖြစ်သည်။ ဤ အစီရင်ခံစာတွင် လူမျိုးစုတစ်စု (သို့မဟုတ်) အဖွဲ့အစည်းတစ်ခုကို ဦးတည်၍ အပြစ်တင်ခြင်းမျိုးမပြုလုပ်ဘဲ ပြည်နယ်အတွင်း တည်ငြိမ်အေးချမ်းပြီး ဖွံ့ဖြိုး တိုးတက်ရေးကို ဦးတည်ကာ အကြံပြုထားပါသည်။